هذي قصيده للشاعر قاسي بن مسند بن مسري الزلامي العتيبي
قالها بمناسبة زواج الشاب نمر بن عبيد بن مطهر الزنبحي الشعبي الكناني
يقول فيها
مبداي باسم الله اللي عبدناه
اللي له المسلم ركوعا سجودي
سبحانه الخالق وخلقه ترجاه
وحده ولاغيره اله معبودي
ياخالق ابن ادم وتعلم خفاياه
عفوك ليا من حط بين اللحودي
من بعدذكره صافي الشعر نبداه
صافي كما صرف الذهب والنقودي
في عبيد يوم انه دعانا وجيناه
نفخرليا جينا عريب الجدودي
الطيب فاهل الطيب لاجيت تلقاه
تلقا بيوت العز فوق العمودي
تلقا دلالا با شقر البن مجزاه
اهل الكرم والجود نسل الفهودي
ياعز مضهودا من الوقت ينصاه
يلقا انشراح البال عقب اللهودي
الطيب عنده كاملات مزاياه
شهم بفعل الطيب يرقا سنودي
يالناصري ياطيب الصيت والجاه
وانا لفعل الطيب ماني جحودي
الطيب افخربه لياحل طرياه
والا الردي لوجيتله ماش فودي
الطيب ويا العز ساسه ومبناه
مبنا يعج بريح مسكا وعودي
الجود طبعه والكرم فعل يمناه
لاجاه ضيفا مايعرف الصدودي
الله يفكه من صواديف دنياه
اللي على طيب الخصال محمودي
ربعه هل الوقفات والحرب تنصاه
لاثارة الفتنه وقدح الزنودي
الزنبحي يوم اول الوقت واتلاه
تاريخهم محفوظ طول العهودي
الاصل شعبه ساس طيبه ومجناه
مورثا بالطيب لاقصا الحدودي
قلته وانا من روس قوما مسماه
عتيبه الهيلا حماة الشرودي
ربعي عتيبه بالحرايب مضراة
لامن نارالحرب شبت وقودي
وانا عتيبي على العز منشاه
على الشجاعه ناشياتا عضودي
وكل القبايل نعم والضلم مرضاه
كلا بعزمه دون حقه يزودي
واليوم عزوخير والامن شفناه
الله يديم العزلال السعودي
وصلاة ربي عدمن قال يالله
على النبي وعداد صوت الرعودي